शनिबार, ९ जेष्ठ, २०८३
शनिबार, ९ जेष्ठ, २०८३
राष्ट्रिय सन्देश संबाददाता, बुधबार, १६ बैशाख, २०८३
२०८३ बैशाख १६, काठमाडौं । नेपाली कांग्रेसले विपक्षी दलहरूको बैठक बोलाएको छ ।
बुधबार मध्याह्न १२ बजे सिंहदरबारस्थित कांग्रेस संसदीय दलको कार्यालयमा प्रमुख विपक्षी नेता तथा नेपाली कांग्रेस संसदीय दलका नेता भीष्मराज आङ्देम्बेले बैठक बोलाएका हुन् ।
बैठकमा नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीको संसदीय दलका नेतालाई बोलाइएको छ ।
बैठकमा संसद् अधिवेशन स्थगित गरेर अध्यादेश ल्याउने सरकारको कदम र प्रमुख विपक्षीसँगै अन्य विपक्षी दलहरूको प्रतिवाद रणनीतिलगायत एजेण्डामा छलफल हुने छ ।
विपक्षी दलहरूले सरकारको यो कदमलाई अलोकतान्त्रिक, बलमिच्याइँपूर्ण र संसद्को अपमान भएको बताएका छन् । उनीहरूले सरकारलाई आफ्नै दुई तिहाइ नजिकको बहुमत हुँदाहुँदै अध्यादेश ल्याउनुको कारणबारे प्रश्न पनि उठाएका छन् ।
