बुधबार, २१ आश्विन, २०८३
बुधबार, २१ आश्विन, २०८३
राष्ट्रिय सन्देश संबाददाता, मंगलवार, १३ आश्विन, २०८३
२०८३ असोज १३ बागलुङ। अविरल वर्षापछि आएको बाढीले खानेपानीका मुख्य पाइपलाइनमा क्षति पुर्याएपछि बागलुङ बजारमा खानेपानीको समस्या भएको छ । बजारका करिब चार हजार ५०० उपभोक्ताले आइतबारदेखि समस्या व्यहोर्नु परेको छ ।
बाढीले बागलुङ नगरपालिका–३ हनुमानमौवा नजिकै मुख्य खानेपानीको पाइपमा गम्भीर क्षति पुर्याएको छ । कैलामपोखरीमा रहेको लिफ्टमार्फत सुल्डाँडा र मुश्यास्वाराको ट्याङ्कीतर्फ लगिएको पाइपमा क्षति पुगेको छ ।
यस्तै, तित्याङ र भकुण्डेको सीमाबाट आउने रिठेखोलाको मुहानबाट बजारमा ल्याइएको पाइप तथा काठेखोला गाउँपालिकास्थित भुँदीखोलाको मुहानबाट ल्याइएको पाइपमा बाढीले क्षति पु¥याएको बागलुङ नगर खानेपानी तथा उपभोक्ता संस्थाले जनाएको छ ।
संस्थाका सचिव जीवन आचार्यका अनुसार बागलुङ बजारमा पानी आपूर्ति हुने मुख्य चार वटा मुहानमा वर्षा र बाढीले ठूलो क्षति पु¥याएको छ । बाढीले ठाउँठाउँमा पाइप बगाउनुका साथै वितरण प्रणालीमा क्षति पु¥याएको उनले बताए ।
रिठेखोलामा जडान गरिएको करिब ८० मिटर पाइप बाढीले बगाएको छ । कतिपय स्थानमा पाइप बगाएको र कतिपय ठाउँमा मर्मत गर्नुपर्ने अवस्था रहेको आचार्यले जानकारी दिए ।
बागलुङ नगर खानेपानी तथा उपभोक्ता संस्थाका कार्यवाहक अध्यक्ष हरिबहादुर जिसीका अनुसार रिठेखोलाबाट ल्याइएको पाइप मर्मत सम्पन्न भइसकेको छ । मुख्य मुहान र वितरण प्रणालीमा क्षति पुगेपछि ठूलो सङ्ख्यामा उपभोक्ता प्रभावित भएका छन् ।
