शुक्रबार, ६ मंसिर, २०८२
शुक्रबार, ६ मंसिर, २०८२
राष्ट्रिय सन्देश संबाददाता, शुक्रबार, १३ पुष, २०८०
काठमाडौँ। कोरियाको लागि रोजगार अनुमति प्रणाली (ईपीएस) परीक्षाको विषयलाई लिएर ललितपुरको बालकुमारीमा भएको युवाहरुको प्रदर्शनमा दुई जनाको ज्यान गएकाे छ ।
आज ललितपुरको बालकुमारीमा भएको विरोध प्रदर्शनमा भएको झडपमा दुइ जनाको ज्यान गएकाे हो । ज्यान जानेमा दैलेखका सुजन रावत र डोटीका वीरेन्द्र साह रहेको बताइएको छ ।प्रदर्शनका क्रममा घाइते भएका उनीहरुको उपचारको क्रममा ज्यान गएको हो ।
त्यसअघि प्रदर्शनमा उत्रिएका युवाहरुले बालकुमारीमा सडक अवरुद्ध पार्दै भौतिक पूर्वाधारमन्त्री प्रकाश ज्वालाको बा २ झ ५८६१ नम्बरको गाडी रोकेर आगजनी गरेका थिए ।
