राष्ट्रिय सन्देश संबाददाता, आईतवार, १६ कार्तिक, २०८३
२०८३ कार्तिक १५ काठमाडौँ । नेपाली कांग्रेसले संसदीय दलको बैठक बोलाएको छ । सिंहदरबारस्थित संसदीय दलको कार्यालयमा सोमबार बिहान ८:३० बजे बस्ने गरी बैठक आह्वान गरिएको हो ।
बैठकमा मुलुकको समसामयिक राजनीतिक परिस्थिति तथा संसदीय गतिविधिबारे गहन छलफल हुने जनाइएको छ ।
सभापति गगनकुमार थापाले सरकारको कार्यशैली र सञ्चालन प्रक्रियामाथि प्रश्न उठाउँदै पार्टीको आधिकारिक धारणा सार्वजनिक गरेको भोलिपल्टै कांग्रेसले संसदीय दलको बैठक बोलाएको हो । बैठकमा सरकारको भूमिका र भावी रणनीतिबारे सांसदहरूबिच छलफल हुने अपेक्षा गरिएको छ ।