बुधबार, २१ आश्विन, २०८३
बुधबार, २१ आश्विन, २०८३
राष्ट्रिय सन्देश संबाददाता, २१ घण्टा पहिले
२०८३ असोज २० पाल्पा । पाल्पामा लामाे समयपछि बजार अनुगमन भएकाे छ । विगत ८/९ महिनादेखि बजार अनुगमन प्रभावकारी नभएकाे अवस्थामा बगनासकालीमा बजार अनुगमन गरिएकाे हाे चाडपर्व नजिकिदै गर्दा गाउँपालिकासहित विभिन्न सराेकारवाला निकायले बजार अनुगमन गरेका हुन् ।
जिल्ला प्रशासन कार्यालय, सुरक्षाकर्मी, खाद्य प्रविधि तथा गुण नियन्त्रण डिभिजन कार्यालय, घरेलु तथा साना उद्योग कार्यालय, उपभोक्ता हक हित संरक्षण समिति र गाउँपालिकाकाे टाेलीले बजार अनुगमन गरेकाे हाे । अनुगमनका क्रममा म्याद गुज्रिएका करिब ४० हजार ७५० रुपियाँ मुल्य बराबरको खाद्य वस्तु भेटिएकाे थियाे । म्याद नाघेका खाद्य तथा पेय पदार्थ जफत गरेर नष्ट गरिएकाे प्रहरीले जनाएकाे छ ।
म्याद गुज्रिएका सुजी, किसमिस, आटो मिठाइ, पाचक, पेप्सी, ,बियर, कुरकुरे, फुरनदाना लगायत रहेका छन् ।
