शुक्रबार, ६ मंसिर, २०८२
शुक्रबार, ६ मंसिर, २०८२
राष्ट्रिय सन्देश संबाददाता, मंगलवार, २ जेष्ठ, २०८०
काठमाडौँ। रेशम चौधरीलाई टीकापुर हत्याकाण्डमा दोषी ठहर गर्दै जन्मकैदको सजाय गरेको उच्च अदालत दीपायलको फैसलालाइ सर्वोच्च अदालतले पनि सदर गरेको छ। न्यायाधीश आनन्दमोहन भट्टराई र नहकुल सुवेदीको इजलासले मंगलबार यस्तो फैसला गरि चौधरीलाई जेलमै राख्न भनेको हो ।
इजलासमा भनिएको छ- अभियोग दाबीबाट सफाइ पाउँ भनी प्रतिवादीहरूले दिएको पुनरावेदन जिकिर पुग्न सक्दैन।
संविधान जारी हुनुभन्दा अघि २०७२ भदौ ७ मा टीकापुर हिंसा भड्किएको थियो। एक नाबालकसहित ८ जना प्रहरीको ज्यान जाने गरी भएको उक्त हिंसा भड्काएको भन्दै भन्दै जिल्ला अदालत कैलाली र उच्च अदालत दीपायलले चौधरीलाई जन्मकैदको फैसला सुनाएका थिए। उनको दल अहिले सरकारमा छ
उनकी श्रीमती रञ्जिता श्रेष्ठ अहिले भूमि व्यवस्था, सहाकारी तथा गरिबी निवारण मन्त्री छन्। अब फैसला पछी पार्टीले के निर्णय लिन्छ त्यो हेर्न बाँकी छ।
