शनिबार, ९ जेष्ठ, २०८३
शनिबार, ९ जेष्ठ, २०८३
राष्ट्रिय सन्देश संबाददाता, शनिबार, १४ चैत्र, २०८२
२०८२ चैत्र १४, काठमाडौं । सरकारले गत भदौ २४ गतेको घटनाको छानबिनका लागि एक साताभित्र उच्चस्तरीय समिति बनाउने भएको छ । शनिबार सार्वजनिक गरिएको शासकीय सुधारसम्बन्धी कार्यसूचीमा एक साताभित्र समिति गठन गर्ने उल्लेख गरिएको छ ।
समितिलाई घटनाको तथ्य संकलन, विश्लेषण र जिम्मेवार पक्ष पहिचान गरी निर्धारित समयभित्र प्रतिवेदन पेश गर्ने जिम्मेवारी दिइनेछ ।
यसका साथै विभिन्न आयोगका प्रतिवेदनहरू केवल अभिलेखमा सीमित रहने र कार्यान्वयन कमजोर हुने समस्या समाधान गर्न ३० दिन भित्र सम्बन्धित प्रतिवेदनका सिफारिसहरू कार्यान्वयन गर्न आवश्यक कानुनी, प्रशासनिक र अभियोजन प्रक्रिया शुरु गर्नेसमेत जनाएको छ ।
साथै, समितिको सिफारिसका आधारमा आवश्यक थप कारबाही अघि बढाइने सरकारको तयारी छ ।
‘सम्वत् २०८२ भाद्र २४ गते घटेको घटनाको सत्यतथ्य छानबिन गर्न एक उच्चस्तरीय छानबिन समिति एक हप्ताभित्र गठन गर्ने,’ शासकीय सुधारको ७ नम्बर बुँदामा भनिएको छ ।
